Gaur goizean lanerako bidean, zeruari begira ari nintzela baloi edo globo aeroestatikoarekin egin dut topo eta irudi honeki gogoratu naiz. 
​
"Daukazun onena zara, ez gehiago ez gutxiago. Zaindu zaitez!"

Maitasuna azken urte hauetan denon ahotan dabilen hitza da, non maitasuna entzuterakoan maitasun erromantiko gisa definitzen den pentsamendua datorkigun burura, bikote erlazioei atxikitzen zaiena. Mendebaldean, maitasunak beregain balore sinboliko eta kultural handia hartu du eta ekintza pertsonal edota kolektiboen eragile garrantzitsuenetako bat bilakatu da. Maitasunak ez du soilik pertsonen sozializazioan eragiten, emakume eta gizonen arteko ezberdintasunak nabarmentzen ditu eta, baita eguneroko bizitzaren antolamendu orokorrean ere. Hau da, maitasun erromantikoa bizitzaren erdigunean kokatuz.

Maitasuna, emozio  nabaritu eta giza gaitasun orokor bezala identifikatu dezakegu. Elkarrekintzarako eta harremantzeko dugun gaitasun gisa azaltzen da, bestearenganako idealizazioa eta erotizazioa adieraziz eta intimitaterako nahia eta harremanen iraunkortasunean oinarrituz. Maitasuna beste giza alderdi batzuen aurretik jartzen dugu, non maitasuna eta pasioa beste guztiaren gainetik dagoen. Pertsonaren zoriontasuna bikote harremanetako maitasunaren arabera ebaluatzen dugu. Gisa honetako maitasunak pertsona beste pertsonaren zati izatera sentiarazten gaitu eta ikaragarrizko dependentzia sortzen da, norbere izatea bigarren plano batean geratuz.

Zerk eramaten gaitu honetara? Maitasunaren irakurketa hau egitera?

Norbere izatea zalantzan jartzen dugu eta segurtasun nahi baten bila egoten gara, beste pertsonaren gustuko edo begiruneko izan arte. Norberaganako segurtasun eza besteenganako maitasuna sentiarazten dugunean desagerrarazi egiten da eta pertsona oso bezala ikusten gara, hau da, ziurtasuna bilatzen dugu. Segurtasun ezak norbere balorearenganako ziurgabetasuna eragin dezake, modu independente batean gauzak lortzeko ezintasuna eta beste pertsonarenganako menpekotasun beharra. Elkarrekintza edo harreman sozialak norbere baloreak lortzeko gai funtsezkoak dira. Maitatua edo desiratua izateak bikote harremanekin loturiko maitasun gabeziaren hutsune sentsazio hori desagerrarazten du. Beraz maitasun erromantikoa eta dependentziaren arteko lotura oso estua da.
Maitasunaren definizioaren barnean hainbat sentimendu (samurtasuna, laztanak, pasioa,etb.) eta adierazteko modu ezberdin daude. Beraz maitasuna pentsamendu honetatik harantzago dioan emozio edota sentimendua da, non pertsona batek bere bizitzako etapa eta une bakoitzean modu ezberdin batetan azalduko lukeen.

BIZI ETA GOZA EZAZU MAITASUNEZ!!