eguberriak

Eguberriak, Abenduaren 24 ean hasten diren jai egunak dira, Kristautasunaren ondorioz, Jesukristoren jaiotzarekin lotura zuzena dutenak, Bizkaieraz Natibitate bezala izendatzen dira gaur egunean ere. 

Eguberriek, badute bere zentzu paganoa ere, non zuhaitzen gurtza (izeiaren hostoak apaingarri gisa erabiltzen dira etxe askotan) eta opariak dakartzan pertsonaia (Olentzero). Berebiziko garrantzia dute gure kulturan. 

Hitzari berari dagokionez, " Eguberri " hitzaren etimologia EGUN-BERRI da. Eguna (argi orduak zehazki) pixkana laburtuz doan aldia amaitzeari eta geroztik luzatzen haztearen fenomenoari erreferentzia egiten dio. Urtearen bukaera aldera eguzki zaharra, Ekihotz deitua, pixkanaka ahultzen eta indargabetzen doa eta azkenik hil egiten da. Neguko solstizioaren inguruko egunetan eguzki berria jaiotzen da, udaberri aldera berotzen hasiko dena. Gure arbasoek eguzki berri baten jaiotza ospatzen zuten, hau da ziklo berri honen hastapena. Etxe askotan su berritzaile eta garbitzailea pizten zen, eguzki berriari ongi etorria emateko. 

Ilusio, magia eta poztasunez beteriko egun hauek, aspaldian ikusi gabeko jendearekin elkartzearekin batera, urtean zehar ezkutuan egon diren gatazka eta galerak isladatzera eramaten gaitu. Suaren baitan, norbere buruarentzat berritzaile eta garbitzaile izan daitekeen zerbait oparitzea egun hauekin bat egitea izango litzateke. Hau da, urte guztian ezkutuan egondako arazoei behar duten arreta eskaintzea, Udaberriko eguzki goxoarekin gozatzeko. 




Agurne Bikandi Aizpurua
Jendarte psikologoa eta Gestalt Psikoterapeuta 

---