ZORROZTASUNA ii

Norbanako bakoitzak zorroztasunarekin lotura zuzena duten introiekto edo pentsamole ugari barneratu izan ditu. Introiektu hauek, zorroztasunaren inguruko lehen artikuluan aipatu gisa, zalantzan edo inongo ebaluazio propio gabe irentsi ditugu. Norbere desio eta nahiekin aurrera egin beharrean, ikasitako eta derrigorturiko ideiak plazaratuz.

Pentsamolde edo ideia hauekin bat egiterakoan, autoexigentzia handitzen edo nabarmenago egiten dela konturatu gaitezke. Barnean mezu absoluto eta arbitario askorekin aurki gaitezke, non erratzeko edota disfrutatzeko nahia ezeztatzen digutenean. Mezu hauen artean, balore eta izateko moduak azpimarratzen dituzten introiektu hauekin aurki gaitezke:

• Perfektua nahi izatea (ona zera; ez zera erratzen; arrazoia duzu; zure ideiak hoberenak dira; hau horrela da; ...).
  
• Izaera gogorra izatea (zuk honekin eta gehiagorekin ahal duzu; bakarrik ahal duzu; ez duzu inor behar; nahitaezkoa naiz; ...).
  
• Azkarra eta langilea (ez utzi biharko gaur egin dezakezuna; egin beharrak daude eta egin!; ez izan alferra; zertan ari naiz albora begira? Egin, egin behar duzuna!).
  
• Pertsona ona izatea (lehendabizi besteak; besteengan pensa ezazu; beraien alboan egon zaitez, behar zaituzte eta; ez izan berekoia; ...).
  

Norbanakook mezu hauekin batera hainbat mekanismo desberdin ikasten ditugu buruan zororroztasuna nabarmentzeko eta ditugun balioak edo ahalmenak gutxiesteko. Hemen horietako mekanismo batzuk:

• Justifikazioa: (ongi atera dira gauzak, besteek ere beraiena jarri dutelako; ikasi beharreko guztia ikasi dut baina bi aste daramatzat horretan;...).
  
• Lorturiko emaitzei garrantzia kentzea edo minimizatzea: (lan postuz igo naute, koordinatzaile gisa nago baina ez da agintean egotea bezalakoa; lapikokoa goxoa atera zait, hala ere ez duzut jan nire amonarena, hura bai goxoa;...).
  
• Norberarenganako handikerien aurrean blokeoa edo gelditzea, gaitasunarekin lotura duten pentsamoldeak, (ezin dut, ez dakit nondik hasi; nik ez dut honetarako balio; ez dakit zertan ari naizen, ez noratz jo,...).
  
• Norbere burua gutxiesteko joerak, lorpenik ez dagoenean edo ikusgarriak ez direnean, (nekatuta nago eta ez dakit zergatik! egun guztiko lanaren ondoren; hau ez da ezer, zuk hori baino gehiago ahal duzu!;...)
  

Zorroztasunarentzat, inoiz ez da nahikoa.

Introiektu eta mekanismo hauetaz gain, norbanako bakoitzak bere mezu propioak izaten ditu zorroztasuna plazaretzeko edo nabarmentzeko bere eginkizun edota beharretan. Mezu hauetaz  eta beste batzuetaz kontziente egitean dago gakoa, zertarako erabiltzen ditudan eta zer ematen didatzen hausnatu eta itauntzean. Hau da, norbere buruaz erlazionatzeko dugun moduetaz jabetzean.



Agurne Bikandi Aizpurua
Jendarte Psikologoa eta Gestalt Terapeuta

---